Podcast: Play in new window | Download
Gaurkoan “Zer gertatu ote zitzaion Ana Garciari” antzezlana izan dugu hizpide. Pabilioi 6 aretoko talde gazteak taularatu du eta ostiralean euskaraz ikusteko aukera izango da. Ana Garcia bilbotarra hilik eta bortxatua agertu da Vinaroseko zabortegi batean. Bertan ematen zituen oporrak, eta kuadrillako lagunek beren buruari galdetzen diote merezi ote duen auzia publiko egitea, biktimarekiko errespetua kontuan izanda. Beren buruari galdetzen diote ez ote den alferrik izango. Ikerketa honetatik abiatuko gara gorputz “hutsalen” kontrako indarkeriaz hitz egiteko: alegia, emakumeen, umeen, transexualen eta abarren kontrako indarkeriaz. Herri eta hirietan egin den gorputz horien ehizaz dihardu antzezlanak. Jontxu Martinez eta Ainhoa Artetxe izan dira gurean.
