Podcast: Play in new window | Download
Gotzon Barandiaranen Hitzen ahairea (SUSA) liburuan kantagintzaren inguruko gogoetak irakur ditzakegu, idazleek idatzitako letrekin sortutako kantuak aztertzen dira liburu honetan. Zein harreman du kantatzen dugunak gure izaerarekin? Zenbateko eragina du entzuten dugunak gure diskurtsoan? Zeintzuk dira geure erreferenteak? Zeri kantatzen diogu euskaldunok? Galdera hauek eta beste asko egin dizkiogu gaur Soinugelan Gotzon Barandiarani eta, era berean, liburuan aipatzen diren hainbeste abesti ere entzun ditugu.
Abestiak: Amaiur Gaztelu Baltza (Lauaxeta – Petti, 2008), Nafarroa (Amuriza – Oskorri + Martin Carthy, 1996), Martin Larralde (J. Sarrionandia – R. Ordorika, 1998), Bagare (Kapanaga – Mendibil eta Xeberri, 1976), Baserriko ate zabalak (Walt Whitman – Txomin Artola, 1978), Himno patriótico (izengabea – J. Tapia, 2010), Bilbaoko kaleak (Aresti – Rafa Rueda, 2013), Oianone (J. Mirande – Zarama, 1985), Lepoan hartu (T. Monzón – RIP, 1987), Euskaldun berriaren balada (J. Sarasua – Oskorri + F. Muguruza, 1996), Minaren funtsa, (J. Maia – Anari, 1997), Kantuaren gauza galdua (J. Sarrionandia – R. Ordorika), Xalbadorren heriotzean (X. Lete – Pier Paul Berzaitz, 2005), Herdoilarena (B. Atxaga – R. Ordorika, 1980), Wo am I (L. Reed – G. Urbizu, 2015)
