Podcast: Play in new window | Download
Martxoaren 27a zen Josu Zabala Salegi Basajaun Debako Punta Mendata parajean hilik aurkitu zutenean. Tiro bat zuen bularrean eta pistola bat aldamenean. Autopsiaren arabera, aurreko egunean hil zuen bularrean jotako tiroak. 20. urtemugaren harira, heriotza argitzeko eskatuko dute martxoaren 25ean Etxarri Aranatz jaioterrian. Horren berri ekarri du Beleixe irratiko Maider Beteluk gaurko irratien tartera. Horrez gain, Otsoportilloko memoria omenaldiarentzako Sakanako udalen arteko hitzarmena egin dutela azaldu du. Altsasuko Udalak sexualitateari buruzko Sexgunea udal zerbitzua martxan jarri duela ere kontatu du Beteluk. Kultura arlotik, Irurtzungo antzerki tailerraren emanaldiez eta Nafarroako Bertsolari Txapelketaz hitz egin du. Amaitzeko, Altsasuko eta Arbizuko duatloien aipamena egin du.
