Podcast: Play in new window | Download
2011ko irailean sortu zuten Death Cafe dinamika, Londresen. Horren helburua da heriotzari buruz modu askean hitz egitea leku atsegin batean, kafe baten bueltan. Eta Londresen sortu zenez geroztik, 4.000 ekitaldi baino gehiago egin dituzte 40 herrialde baino gehiagotan. Aste honetan bertan, ostegunean, Zarautzen egingo dute topaketa. Dinamika bera ezagutu eta Zarauzko saioaren aurrerapena egiteko, bi lagun batu dira gure mikrofonoetara, biak ere antolaketan murgilduta dabiltzanak eta zaintza aringarrietan lanean aritutakoak: Amaia Artze erizaina eta Iñaki Peña medikua.
