Podcast: Play in new window | Download
Lan arloko mobilizazioak ekarri ditu Gasteizko Halabedi irratiko Igor Goikoleak gaurko irratien tartera, FCC garbiketa enpresako langileek iragarri baitute greba egingo dutela martxoaren 6tik aurrera. Horrez gain, Abetxuku auzora begira ere jarri da Goikolea, bertako bizilagunen arteko tentsioa eta liskarrak medio, elkarbizitzaren aldeko bitartekaritza eskatu baitiete hainbat lagunek erakunde publikoei. Amaitzeko, martxoaren 3ra begira Gasteizen aurreikusita dauden ekintzen berri eman du. Esan Erran irratiko Lur Gil ere batu da gaurko irratien tartera, eta Lanz herriari buruzkoak ekarri ditu. Dirudienez, Espainiako estatuari dagokionez, proportzioan haur gehien dituen herria da, baina Gilek zuk masa komunikabideek esandakoaz apartekoak ekarri ditu. Bitxikieria bat aipatze aldera, Odieta bailarako frontoi falta amaitzear dela ere esan digu Gilek, frontoi bat egiteko asmotan baitabiltza. Amaitzeko, Lanzko inauteriak igandean hasiko direla kontatu du.
