Podcast: Play in new window | Download
Bizkaia aldera jo eta hango kontuen kronika ekarri dugu gaurko irratien tartera. Bilbo Hiria irratiko koordinatzaile Ane Zabalak bi lagunekin hitz egin du. Batetik, joan den ostiralean Bilboko La Bolsan izandako topaketa batzuen berri ekarri digu. Desazkundeaz eta bizitza onari buruz, Errebindikazio eta Alternatiba Kolektiboen V. Topaketak egin baitzituzten ekainaren 3an. Bertan ateratako ondorioen berri jaso du Zabalak ESK sindikatuko kide Igor Meraren eskutik. Horrez gain, Kike Amonarrizekin ere hitz egingo du, Bilbon izan dela aprobetxatuta, euskaldunak aktibatzeko beharraz hausnartu dute berekin.
