Podcast: Play in new window | Download
Horrelako irratsaioak plazer hutsa dira. Usosop, Jalgi edota Iruñea Nola jaialdiak izan ditugu mintzagai, eta Toby Connors musikariaren ibilbidea errepasatu dugu, gutizia hutsa. Baina, gonbidatu berezi bi izan ditugu gaurkoan Hala Bediko estudioetan: Joseba Baleztena eta Miren Narbaiza. Joseba B. Lenoir taldeak “Eguzkiari Begietara So” diskoa kaleratu berri du, 9 abestitako disko borobila. Eta honen inguruan hitz egin dugu, luze eta zabal, eta bertatik bi abesti eskaini dizkigute akustikoan: “Hotzikarak soinean” eta “Ez itzali”. Esandakoa, plazer hutsa.
