Podcast: Play in new window | Download
Ostiral kutsukoa izan arren, asteazkena izanik, Argiaren aste honetako aleen aurrerapena egin dugu gaur ere Estitxu Eizagirre zuzendariarekin. Hasteko, Gasteizko eskola publikoetako guraso elkarte guztiek bat eginik plazaratutako salaketaz hitz egin digu, jatorri atzerritarreko haurrak eskola publikoetan kontzentratzeko joera hedatu delako. Gipuzkoara jota, Egian euskaraz bizi nahi dugulako dinamika bukatu berritan egin duten balorazioa aipatu digu, eta gauza bera Añorgara hedatzeko dagoen asmoa aurreratu. Amaitzeko, Arturo Elosegi EHUko Ibaien Ekologia taldeko ikertzaile eta ekologia katedradunari egindako elkarrizketako zenbait puntu nabarmendu dizkigu.
