Podcast: Play in new window | Download
Hainbat konturen ondoren, emisio eta grabazio estudio aldaketa tarteko, 90seg irratsaioa berriz ere martxan dago. Oraingo honetan, Txapa Irratiak Egian zabaldu berri duen sukurtsalean egindako bi frogen ondoren (90seg #18 eta #19) arazo tekniko guztiak konponduta, berriz ere ekingo diogu gure asteroko irratsaio berezi honi, 90 segundutik beherako kantuak zuei, astean behin, orduerdiz, ezagutarazteko.
Itzulera honetarako, post doinuak aukeratu ditugu, post-hardcore eta post-rock musika estiloen inguruan ibiliz. Bertan entzun daitezke, adibidez, Suchi Rukara, The Mars Volta, Lisabö, Küm, Action Beat, Austin TV, Battles edo Yakuzi-ren doinuak besteak beste.
Hau, aurreko asteko irratsaioa da, aste honetan ere berriz izango gara Txapa Irratian zuzenean FM-ko 97.20an edo txapairratia.org webgunean asteartero arratsaldeko zazpiterditan. Eta nola ez, Arrosa Irrati Sareko webgunean gure podcasta entzuteko aukera izango duzue.
Ongi izan!
