Arabak bere soineko ederrenarekin eman zion ongi etorria Korrikari. Kontraste koloretsu eta argi berezia duen herrialdea da. Zentzu batzuetan, Hegoaldeko Iparralde bat da mendebaldean.
Gaurkoan berriz ere Nafarroan gaude, Sakana, Ultzama, Lekunberri, Leitza… eta azkenik Goizuetatik Hernanirantz eta hortaz, berriz ere gipuzkoarantz egingo dugu. Horren berri ematen jarraituko dugu Arrosa sareko irratietan, euskaraz harro emozioz beteta.
ARROSA irrati sarea Euskal Herri osoko irrati mordoxka baten elkarlanaren ondorioa da. Bertan biltzen garen irrati gehienak txiki xamarrak gara, herri edo eskualde mailakoak.
