Lanaldia laburtzeko erreforma izan dugu hizpide gaurko saioan. Lanaldia astean 37,5 ordura laburtzeko erreforma azken urte osoan zehar negoziatu du eragile sozialekin Yolanda Diazen Lana eta Ekonomia Sozialeko Ministerioak. Enpresaburu ordezkariak ados jartzeko borondate ezaren ondorioz, CCOO eta UGT sindikatuekin egindako akordioa aurkeztu dute gabonak baino arinago, orain Ministro Kontseiluak eta Kongresuak onartu beharreko lege testu artikulatuarekin batera.
Apirilean Bilbo Hiria irratian aztertu genuen bezala, 2025eko lan arloko politika nagusia izango da lanaldia laburtzearena, egungo testuinguru ezegonkorra eta ezkerreko gobernuaren aurrera egiteko borondateari erreparatuz. Horretarako Arkaitz Antizar CCOO Gazteak idazkaria elkarrizketatu dugu, azken hilabete eta asteetan gertatutakoaren berri izateko, eta lanaldia laburtzeko politika zelan gauzatuko den azaldu digu. Ostean Jon Bernat Zubirik Veronica Castrillonekin Lan Harremanak aldizkarian argitaratutako artikulua laburtu du, astean 37,5 edo 32 orduko lanaldia orkortzearen eraginen kalkuluekin batera, politika ildo honetan sakontzeko beharra defendatuz. Saioa bukatzeko, Argia astekariaren atalean Gorka Peñagarikano kazetariarekin berba egin dugu, erreforma hau egungo testuinguru politiko ezegonkorrean kokatzeko.
Deskargatu hemen.
The post LANAREN EKONOMIA: Lanaldia Laburtzeko Erreforma, astean 37,5 orduko lanaldia helburu. first appeared on Bilbo Hiria irratia.
