Britainia Handian jarraitzearen aldeko loialisten eta armada britainiarraren eta Irlanda osoa bat egitearen aldeko errepublikarren arteko bake akordioa izenpetu zen 1998an.
Geroztik, Ipar Irlandako egoera politikoa lasaiagoa eta egonkorragoa da, Sinn Fein alderdi errepublikazaleak hauteskundeak irabazi zituen iaz eta azken erroldaren arabera gehiago dira lehen aldikotz katolikoak protestanteak baino. Haatik, instituzioak blokatuak dira iazko hauteskundeetatik, eta Brexitak bake akordioaren hautsak urratu ditu azken urteetan.
Hogeita bosgarren urteurren honetan, egoera hobeki ulertzeko xehetasunak galdegin dizkio Aimar Lopez lankideak Ander Perez Zala Berria egunkariko nazioarteko saileko kazetariari.
