Moi moi!
Beste ostegun batez etorri gea gela arroxea kontu kontari. Gaurkuan koherentziaren kontra kontraesaneta aritu gea, izan ere, nazkatuta gaude koherentiak izatiaz! Adibidez, zuek zer nahiago dezue, erosketak toka-tekan (diru fisikuarekin) ordaindu edo diru birtualarekin (bizum, txartela, …)?
Gaurkuan Maia izan deu elkarrizketatua: MJ (musika jartzaile), bolloaktibista, itzultzailea, ekintzaile ekologista, erdi suomia eta Txara Kooperatibako sortzailea da Maia Ossa. Besteak beste, Txara Kooperatibaz galdetu diogu. Txara Arrua Behean ireki zuten kooperatiba txikia da, horretaz gain, denda ere bada eta aukera ematen die arruatarrei (horrela esaten da?) erosketak Arruan bertan egiten. Baina Txara hori baina askoz gehiago ere bada.
Bestalde, badakizue atzo duela 80 urte Janis Joplin jaio zala? Horrekin lotuta (bueno, egia esan kasualidadea izan da) Uxue Alberdiren Jenisjoplin nobelaz aritu gara sortzaileen txokoan, astruak alineatu zaizkigu (¡viva la revolución del zodiaco!).
Bukatzeko primizia bat: otsailaren hasieran 2matx irratsayuakin kolaboraziyua egingo dugu Hala Bedi Irratian!!!
Beste bat arte, TUMAMARRATXA!
