Astelehen honetan burutu duten ekitaldi honek zenbait helburu ditu:
Lehena, 2022an Korrikarekin hasi zen euskararen zikloari jarraitasuna ematea da, Korrikak Euskaraldiari pasako dio lekukoa. aurkezpen bideoan bezala.
Bigarrena, auzoetako dinamikak aurrera eramango dituzten auzoan auzoko Euskaraldia Batzordeak aktibatzea izango da, hemen ere Korrika Batzordeei lekukoa hartuz.
Ekitaldi honekin batera, maiatz bukaeran eta ekainaren hasiera bitartean deitu dituzten zenbait Auzotako Euskaraldia Batzorde Irekien egutegia plazaratuko da. Deialdi hau herritarrei begira eginda dago, norbanakoei begira, auzoetako parte hartzea bultzatu eta tokian tokiko entitateen lanketa bultzatuko dutenak. Hizkuntza ohiturak aldatzeko ahalegina gertuko harremanetan hasten baita.
Honetaz hitz egiteko gurekin izan dugu Euskaraldia Gasteizko koordinatzailea den Azaitz Unanue, entzun hemen!
Deialdi irekiak:
MAIATZA: Maiatzak 23, 18:30 > Zabalgana > Auzo elkartea / Maiatzak 25, 18:30 > Abetxuko > Auzo Elkartea
EKAINA: Ekainak 6, 18:30 > Salburua-Arantzabela > Salburua Gizarte Etxea / Ekainak 7, 18:30 > Lakua-Arriaga > AEK-Zadorra Euskaltegian / Ekainak 8, 18:30 > Olarizu-Adurtza-Aretxabaleta > Auzo Elkartea / Ekainak 9, 18:30 > Zaramaga-Aranbizkarra > Amaia Zentroa
Gasteizek, dagoeneko izena eman du 2022ko Euskaraldian. Bertako erakunde, entitate eta herritarrak eskuz esku arituko dira berriz ere ekimen hau aurrera eramateko orduan.
