Jamaikara joango gara aste honetan eta, hortaz, reggae doinuak izango dira nagusi Klask!en. Lehenik, ‘Reggaean Jarrai!’ diskoa izango dugu hizpide. Jakingo duzuen moduan, Euskal Herriko hamarnaka kolektibo eta talde bildu egin dira disko hori aurrera ateratzeko eta, bide batez, 14 euskal herriko folkaren klasikoen bertsioak egiteko. Horren inguruan arituko gara proiektuaren bi sustatzaileetakoekin: Rufo Old Tower klask!kidea eta Facun Quevedo ume basatia.
Ondoren, ‘Xaymaca’ fanzinea ezagutuko dugu. Ovejas Negraxeko lagunek fanzinearen 4 aleak biltzen dituen liburua atera berri dute. Horregatik beragatik, Julio Ovejas Negrax eta Jorge Marco fanzinearen editorearekin aritu gara eta bai ‘Xaymacaren’ nondik-norakoak eta liburuaren berrargitalpena mintzagai izan ditugu.
Skakeo – Behin Batian Jamaikan
Errementarians & Sanfran Korue – Boga Boga
Sound Riders – Aldapeko
Siroko – Fandango
The Ethiopians – Train to Skaville
Jackie Opel – I Am What I Am
Baba Brooks Band – Smokey Ska
