Gaurko saioa Desinfoxikatzen tartearekin hasiko dugu. Bertan eutanasiaren lege berria aztertuko dugu: zer dio legeak? Nori zuzenduta dago? Nola aplikatu ahalko da? Eztabaida luzea izan daiteke oraindik…
Jarraian, Nik doktorean giltzurruneko koliko bat izanez gero zer egin azalduko dugu. Bizi izan duenak badaki batzutan zenbateko mina ematen duen! Hala ere badaude etxean bertan hartu daitezkeen neurri batzuk min hori pairatu edota prebenitzeko.
Amaitzeko, Mahaieutikoan alkoholaren eraginei buruz hitzegingo digu Andonik. Kontsumoaren berehalako eraginak oso ezagunak badira ere, luzetara ere kaltegarria izan daiteke. Gaurko datuekin, guri gertatu zaigun bezala, batek baino gehiagok egingo ditu bere kontuak eta konturatuko da noizean behin hartutako kaña ez dala hain inozentea…
