Udako magazinak, gonbidatu berriak gerturatu ditu Ataun Irratira ere eta astearte honetan pertsona ezin ezagunago baten bisita jasoko dugu gurean. Euskal musikari, konpositore eta ekoizlea den Pello Reparaz Arbizuarrak, bere azken lanen inguruan hitz egingo du “Nahikobero” saioan Ioar Aizpurua eta Leire Perlinesekin batera.
Oso txikia zenetik hasi zen Reparaz musikaren munduan murgiltzen, izan ere, 8 urte besterik ez zituela tronboijole gisa trebatzen hasi zen eta bost urte geroago igo zen lehen aldiz taula gainera. Vendetta taldean egindako ibilbideari zor dio gehienbat bere arrakasta. Gaur egun, 600 kontzertu baino gehiago eskaini ditu estatu osoan zehar eta usikaz gain, ikus entzunezko beste zenbait edukitan ere topa genezake.
Gaur egun taldea deseginda badago ere, Euskal Herritarren artean ezagun izaten jarraitzen du Zetak taldearen buru ezagutzen dugun artistak.
Biharkoan, bere orain arteko ibilbideaz, lanez eta hemendik aurrera datorrenaz hitz egiteko aukeran izango gara gonbidatuarekin berarekin. Baita gertuagotik, artistaren beste alde bat ezagutzeko aukeran ere izango gara.
