Podcast: Play in new window | Download
Lau astetik behin izaten dugun Ekialde Hurbileko kolaborazioa lekualdatutako pertsonen kopurua azalduz hasi du Aitor Bikandik, izan ere, 2010ean 40 milioi pertsona lekualdatu behar izan baziren, azken urtean 79,5 milioi izan dira haien jaioterritik ihesi atera behar izan direnak.
Siriako egoerari erreparatu diogu ondotik, 6,6 milioi errefuxiaturekin eta 380.000 hildako utzi dituen gatazkarekin. Yemeneko egoeraz mintzatu da jarraian, munduko biztanleriareik zaurgarriena dela azalduz eta koronabirusak gogor jo duela aztertuz.
Libiako egoeraz ere hitz egin du, Haftarren gainbehera eta horren kausa eta ondorioetan sartuz. Honetan guztian Egiptok edukitako papera aipatu du. Irakeko egoeraren berri emanez bukatu du kolaborazioa.
