Podcast: Play in new window | Download
Gaurko saioan Txapel reggae jaialdiaren programazioa ezagutu dugu Gurturen eskutik. Armintzako reggae jaialdia uztailaren 13an ospatuko da. Edizio berri honen kartela hizkuntza eta kultura anitzez beterik egongo da. Fantan Mojah & Jahvolution jamaikarra izango da artista nagusia. Un Rojo Reggae Band Kosta Rikako bandak lehen bira egingo du Europatik. Horiez gain, besteak beste, High Paw & Elephants Yard galiziar abeslariak eta Deskarats kataluniarrak joko dute, bai eta, Euskal Herritik Suaia eta Ama Rebel bandak. Bost artista egongo dira guztira Biobizz Portua Stage eszenatokian, eta, horiez gain, Dub Stage eszenatokiko eguneko programazioa osatuko da Sound System, rap eta bestelako jardueretako 4 proposamenekin, hori guztia doanik.
