Podcast: Play in new window | Download
Aste honetako ttirriki ttarrakan(hankak lurrean) senda belarren atalari ekin diogu lehenik. Bertan, Sara Letamendia aizarnarrak pasa den eguneko katarro, eztul eta biriken gaineko landareei beste erabilera batzuk eman dizkio. Gogoratu abenduko kolaborazioan, plantaina, ezkaia eta zolda belarrarekin osatu zuela besteak beste negurako jarabe aproposa. Oraingoan ordea hauekin bestelako erabilerak aipatzeaz gain, asuna bertaratu digu. Askotan ume eta hain ume ez garenon azkurak eragindako landare honek onura izugarriak ditu , beti ere behar den bezala erabilita.
Elkarrizketaren orduan berriz Huerta de Peraltako greba izan dugu hizpide Ramon Nafarroako landa eremuko Lab eko kidearekin. Berarekin, atzo bertan amaiera eman zitzaion Azkoiengo nekazarien borroka eta euren egoeraz gain, oro har lur jabeak ez diren jornalari eta tenporeroen egoeraz mintzatu zaigu.
