Podcast: Play in new window | Download
Gaur gure eszenaren musikari-kantari handienetakoa izan dugu patxadaz bere ibilbide oparoa aztertzeko: Joseba Tapia. Leturiagaz hasi zenetik trikitixa eremuan (Euskal Herriko txapelketa birritan irabazi zuten), gero Tapia eta Leturia Bandekin egindako triki-rock trip arrakastatsua eta, azkenik, bakarlari moduan grabaturiko zazpi maisulanak, orain gitarra jole moduan sortutako Besamotzak taldea osatu arte. Hiru Truku taldean egindako kantu batzuk ere entzun ditugu: Small Town (Txuma Murugarrenekin), Fandango Urtain (Eleuterio Tapia), Amway, Gipuzkoarrok errosariyo santuba, Eskoliertsa gaztea (Hiru Truku), Neure laztanak, Loiolako porrusalda, Arraun, Aritmetika arazoak, Madrilgo lagunak, Himno patriótico eta Askatasunaz.
