ERRAIETATIK vol. XXVII | Egunsenti gorri baten hitzaurrea

Azaroan, Urriko Iraultza sobietarretik 100 urte beteko dira (1917-2017) eta, horren harira, lau irratsaio berezi eskainiko ditugu gurean, mendeurrena behar bezala ospatzeko. Astelehenero, Urriko Iraultzak historian, pentsamenduan, kulturan, zinean… utzitako aztarna hizpide izango dugu.


Kronstadt-eko Petropávlovsk akorazatuko marinelak «Burgesak akatu» zioen bandera batekin

Aste honetan, ordea, mamian sartu gabe, motorrak berotzen joateko proposamen pare bat ekarri ditugu irratsaiora: alde batetik, historia pixka bat, anarkismoak Errusiako Iraultzan izandako papera ezagutzeko. Horretarako, Carlos Taibo idazle, irakasle eta pentsalariak idatzitako «Anarquismo y Revolución en Rusia (1917-1921)» liburua baliatu dugu. Kontraesanak kontraesan, ume basati anarko-boltxebikeen ekarpen disidentea goraipatu nahi izan dugu Urriko Iraultzaren osotasunari eutsi baino lehen.

«Anarquismo y Revolución en Rusia (1917-1921)» (Carlos Taibo, 2017)

Kasu honetan, XX. mende hasierako Errusian, autoorganizazioa, komunalismoa, ekintza zuzena edo elkar babesa mahaigaineratu zituzten mugimendu anarkisten ibilbidea ezagutu dugu. Honekin batera, sobietak, lantegietako komiteak, komunak, sozialista iraultzaileak, anarko-komunistak, anarko-sindikalistak, Kronshtadt-eko marinelak, gerlari majnovistak eta, nola ez, errepresioa eta porrota.

Eina-ren azken diska: «Bolxevic» [2017]

Bestalde, musika pixka bat ere izan dugu gaurkoan. Izan ere, Eina talde katalanak «Bolxevic» diska berria argitaratu du, hain zuzen ere, Urriko Iraultzaren mendeurrena ospatzeko. Vilafranca del Penedès-etik datorren talde interesgarri honen ibilbidea ezagutzeko eta anarko-boltxebikeen historia girotzeko baliatu dugu diska hau. Punk soinuetan oinarritutako Inadaptats talde klasikotik, soinu esperimentalagoetara jo duen taldea da Eina. Apustu musikal oso interesgarria izateaz gain, klaseen arteko borrokarako «erreminta» gisa du Einak bere burua. 2008an «L’Art de la Guerra» diskarekin hasitako eta 2011n «L’Estat i la Revolució» diskarekin jarraitutako ibilbidearen urrats gehiago baino ez da «Bolxevic».


TRACKLIST

01 – LA OREJA DE VAN GOGH – 20 de enero
02 – INADAPTATS – Orgull de Classe
03 – EINA – L’Esperit de La Comune (feat. Indarrap)
04 – EINA – L’Estat i la Revolució
05 – EINA – Honor i glòria, Bolxevics
06 – EINA – La revolució no es fa, s’organitza
07 – EINA – Foc d’Octubre
08 – EINA – Banderes rojes endolades

Hurrengo podcasta

Paradisu zinema #51 Urtaroen collage kolektiboa

ig. Aza 5 , 2017
Pribatutasun politika

Web honek cookie-ak erabiltzen ditu ahalik eta erabiltzaileei esperientzia onena eskaini ahal izateko.

Cookie-en informazioa zure nabigatzailean biltegiratzen da, eta hainbt funtzio betetzen ditu, hala nola gure webgunera itzultzen zarenean zu ezagutzea edo webguneko atal interesgarri eta erabilgarrienak aurkitzen laguntzea.

Pribatutasunari, legezko eskubideei eta cookie-ei buruzko informazio guztia duzu gure pribatutasun-orrian zein cookie-etan