Podcast: Play in new window | Download
“Emakume esploratzailea?”, “gonadun bidaiaria?”. “Hobeto daude etxean, haurrak zaintzen eta gure alkandorak lixatzen!”. Testu hori zeraman nonbait, 1893ko uztailean argitaratutako Punch aldizkari britainiarrean agertutako karikatura batek. Gaur egun, salagarria izango litzateke halako umorea egitea. Baina jarrera baztertzaile horrek eraginda edo, gutako askok ez dugu emakume bidaiarien erreferentziarik, ezta? Ba emakumezko bidaiariez eta horiei eman beharreko ikusgarritasunaz hausnartuko dugu gaurko komunikazioaren tartean, gugana batu den Kalaka komunikazio parekideko Ilazki Gainzarekin.
