Podcast: Play in new window | Download
Inoiz mendian zuhaitz bat landatu duenak ba omen daki erronkaren lehen urratsa toki egokia aukeratzea dela. Horrekiko paralelismoa eginda, bikote asko ere antzera ibiltzen direla uste du Koldo Gilsanzek. Gurasotasunari ekiteko une perfektuaren zain: etxe txukuna eta handia izateko zain, biek lanpostu hobea lortzeko zain, haurrak izan aurretik bizitzaz apur bat gozatzeko itxaropenez… Horrek guztiak sortzen dizkion hausnarketak idatziz plazaratu ditu Gilsanzek Guraso.eus atarian, baita hitzez azaldu ere Bergarako Txapa irrati libreko lagunei.
