Podcast: Play in new window | Download
111 Akademiako Amaia Goikoetxea batu zaigu gaurko Zebrabidera literatur kontuez aritzeko. 2016ko 111 Akademiaren Sariko bigarren bozketa txandara pasatu diren sei liburuetatik bi falta zitzaizkigun berarekin aipatzeko, eta horiek ekarri ditu: Miren Gorrotxategiren 33 ezkil eta Kirmen Uriberen Elkarrekin esnatzeko ordua liburuez aritu gara berarekin. Kontatzen duten istorioa nabarmentzeaz gain, hainbat irakurleren iritziak ekarri dizkigu Goikoetxeak. Sariaren bozketako bigarren txandan dauden beste lauak honakoak dira: Xabier Mendigurenen Alsina, Juan Luis Zabalaren Txistu eta biok, Pello Lizarralderen Elur bustia, eta Jose Inazio Basterretxearen Begoñaren itzalpean.
