Podcast: Play in new window | Download
Euskal Herriko hainbat tokitan inauteriak ospatzen ari direla bada denbora jada, baina inauterien euskal kapitala izan daitekeen horretan, Tolosan, atzo lehertu zen festa. Ofizialki, hori bai, joan den astetik giroa berotzeko kaldereroak eta abarrak ospatzen ari zirelako, eta joan den asteburua bortxaketa salaketa batek ilundu zuelako. Gai horri erreparatu diogu gaurko errepaso kritikoaren tartean Mikel Elorzarekin. Horrez gain, Noos auziari eta Iñaki Urdangarini ustelkeriagatik ezarritako zigorrari ere erreferentzia egin dio, eta Afrikara ere begiratua bota du Elorzak.
