Podcast: Play in new window | Download
Elikadura gauza asko izan daiteke, bizitzeko ezinbestekoa izateaz gain, ingurunearekin erlazionatzea ere bada. Sekulako plazer iturria ere bai eta besteekin partekatzeko denbora preziatua, nola ez. Aipatu beharrik ez da gurean mahaiak duen estimua, euskal herritarrok zer ez ote dugu egiten jan edanaren bueltan? Baina hausnarketarako gaia ere bada elikadura eta hortik eratorri dira azken urteotan han eta hemen hizpide diren jateko ohiturak eta dietak. Gaur8 astekariaren larunbateko alean jaso zituzten horietako zenbait, eta aukera ederra jarri digute guri jaten dugunaz hausnartzeko gaurko tertulian Miren Azkarate eta Aitor Kaltzakortarekin.
