Podcast: Play in new window | Download
Gaurko saioa ireki duen urrezko kantak sekulako arrakasta izan zuen Ipar Afrika osoan. Egilea Youcef Boukella da eta kantuaren izena Salam da. Jarraian, Orchestre National de Barbès eta Gotan Project taldeak entzun ditugu.
Euskal Herrian kultozko talderik egon bada, M-ak izan da horietako bat. Sailkaezinak, ausartak, aurrekoiegiak agian sasoi hartarako. Beraien Zuloa lanaren 30.urteurrena aitzaki, diskoko zenbait kanta entzun ditugu: Milenio, Chomsky, Negoziaketaren Beharra, Milenio (Remix), eta Juan Pabloren bidaiak.
Ondoren, Jamaikako Clinton Fearon eta Louisianako Memphis Minnie entzun ditugu kantuan eta, saio bukatzeko, Texaseko Doug Sahmek 73/74 urteetan egindago zenbait kantu entzun ditugu: Tennesse Blues, Texas Tornado, Hard Way, I’ll be There eta Devil Heart.
