Podcast: Play in new window | Download
Errefuxiatuen egoera jasanezinaren aurrean hipokresia erakusten duten instituzioen eta euskal gatazkaren konponbiderako aitzakiak bata bestearen atzetik jartzen dituzten ordezkarien aurrean, iniziatiba propioari heldu eta aldaketarako urratsak egitea erabaki dute zenbait euskal herritarrek. Horregatik egin dira ezagunak Begoña Huarte eta Mikel Zuluaga, Igoumenitsako portuan atxilotu zituztenak, zortzi errefuxiatu Euskal Herrira ekartzen saiatzen ari zirela. Edo horregatik entzun ditugu Jean Noel Etxeberri, Beatrice Molle-Haran, Mixel Berhokoirigoin, Mixel Bergouignan edo Stephane Etxegarairen izenak ere, Espainiako eta Frantziako gobernuen mugimendurik ezaren aurrean ETA erakundearen armagabetzea aurrera eramateko konpromisoa izan dutenak. Desobedientzia zibilaren adibide praktiko horiei eta beste zenbait gairi begira jarri gara gaurko errepaso kritikoan Maite Sabalzarekin.
