Podcast: Play in new window | Download
Txuma Murugarren Sasoi Ilunak taldeko abeslaria izan zen 90eko hamarkadan, baina 2000. urtean bakarkako ibilbide emankor eta sendoa hasi zuen. Geroztik, sei disko argitaratu ditu, jite amerikarreko pop-rock akustikoa, giro ilun eta dekadenteak eta Europako ekialdeko kabareterako eta ijitoen musikarekiko lilura batuz. Hitzen egile gisa ere nabarmendu da Murugarren, hala Sasoi Ilunak taldearen diskoetan nola bere izenarekin kaleraturikoetan. Orain gutxi, Zerbait ari da gertatzen hor izeneko diskoa kaleratu berri du, eta horren berri izan dugu gaurkoan, Bilbo Hiria irratiko estudiora jota, Ane Zabalak hitz egin baitu Murugarrenekin berarekin.
