Podcast: Play in new window | Download
Mende erdiko muga psikologikoa gainditu ondoren, ate joka daukagu Durangoko Azokaren beste edizio bat. Inoiz baino goiztiarrago dator, abenduaren 2tik 6ra, eta publiko berriei bertaratzeko gonbita eginda. Aurtengoa, 51. edizioa izango da, disko eta liburu azoka gisa abiatu zenak sekulako dimentsioa hartu du jada, Landako guneko enborretik adar berriak sortu dira eta geroz eta gehiago dira salmahaietatik harago hedatu diren gune eta eskaintza berriak. Urtean behingo zita horrek sortzaile eta kulturzaleentzat sortzen dituen aukerez baina ekar dezakeen menpekotasunaz ere hausnartu dugu gaurko tertulian, Miren Azkarte eta Aitor Kaltzakortarekin.
