Podcast: Play in new window | Download
1980ko hamarkadan, hainbat euskal herritar, internazionalismoaren banderapean, Hego Ameriketako hainbat herrialdetara joan ziren bertako iraultzetan parte hartzeko. Batzuk El Salvadorrera jo zuten eta FMLNk gidatzen zuen matxinadarekin bat egin. Miren Odriozola izan zen euskal herritar horietako bat, guda hartan parte hartu zuen hainbat eratako lanak eginez, eta jarraian hizpide hartuko dugun liburuaren arabera, Laura esaten zioten Odriozolari. Leire Ibarguren Euskal Herriko Bilgune Feministako eta Emagin elkarteko kidea arduratu da liburu hori idazteaz, eta larunbatean aurkeztuko dute Azpeitiko San Agustin kulturgunean. Ba aurrerapena egiteko, Ibarguren idazlea eta Odriozola protagonista batu dira Zebrabidera.
