Podcast: Play in new window | Download
Etzi, azaroak 25, emakumeen aurkako indarkeriaren kontrako nazioarteko eguna izango da. Nazioarteko egun bat, gurean oso presente dagoen arazoa irudikatzeko. Lapurdin, esaterako, bi erailketa matxista izan dira aurten: apirilaren 7an, Natalie Van Put erail zuen senarrak Bidarten; ekainaren 7an, berriz, emaztea eta seme-alabak erail zituen gizon batek Angelun. Indarkeria matxistaren aurka Lapurdin antolatutako ekintzen berri ekarri du Gure Irratiako esatari Ihintza Arrietak irratien tartera. Horrez gain, Baionako etxeen %10 egurrez berotzeko helburuz eraikitzen ari diren Egurretik enpresaz eta Seaska ikastolen elkartearen egutegiaz hitz egin du Arrietak.
