Podcast: Play in new window | Download
Zazkel taldea 2012an eratu zen euskaraz abestutako pop rockaren bestelako irudia eta ikuspegia eskaintzeko asmoz. Horretarako, gitarra, bateria, baxua, sintetizadorea eta ahotsa nahasten dituzte. 80ko hamarkadako talde euskaldun zein talde atzerritarren erritmoetan oinarrituta, euskal POP erradikala aldarrikatzen dute, non entzuleari dantza eta abesteko aukera luzatzen dioten. Besteak beste, pop musika eta disko edo afrobeat musika estiloen eragina dute eta musika aniztasun horretan oinarritzen dira. Horrez gain, Banden Lehia-ko 8. edizioko finalistak dira, eta eurak sakonago ezagutzeko Bilbo Hiria irratiko estudioarekin bat egin dugu, Ane Zabala koordinatzaileak elkarrizketa egin baitio Etxahun Arregi gitarra eta ahotsari.
