Podcast: Play in new window | Download
Durangoko San Fausto jaietan, lasai joango ziren mutilak etxera, inork bortxatuko dituen beldurrik gabe. Begirada lizunik jaso barik egingo dute txiza, eta eskuluzeen kezkarik ez dute edukiko parrandan daudela. Neskek sarri sufritu dituzten egoerak dira horiek, zoritxarrez. Ez Durangon soilik, Euskal Herriko beste hainbat festa eta parrandatan ere bai, seguru asko. Hala ere, badira egoerari aurrea hartu eta lanean diharduten eragileak, eraso sexisten aurka egiteko, brigada feministak antolatu dituzte txosna batzordeak eta Bilgune Feministak. Dinamika horretaz eta Bilgune kontari-n bildutako beste hainbat gairi buruz hitz egiteko, Idoia Trenor batu da gaur gurera.
