Podcast: Play in new window | Download
Maiz ez da gertatzen Frantziako epaitegi bateko prokuradoreak auzitegiko giroa lasaitzea, baina atzo prokuradoreak eskatu zuen Emilie Martin ez dezatela Espainiaratu. Edonola ere, esandakoa, Paueko auzitegiak urriaren 18an emango du erantzuna, eta oraingoz kontrol judiziala mantendu egin diote. Albiste hori ekarri du Gure Irratiako esatari Ihintza Arrietak gaurko irratien tartera. Horrez gain, Ibon Fernandez Iradi euskal preso politikoaren auzia ere aipatu du, larriki gaixorik dago hura, eta Parisko dei auzitegiak berriz aztertuko du haren zigor etetea, eta Bagoaz-ek manifestazioa ere deitu du azaroaren 19rako. Amaitzeko, CADE ingurumenaren aldeko mugimenduak AHTri buruz plazaratutako azken datuen berri eman du Arrietak.
