Podcast: Play in new window | Download
Mugaz gaindiko zenbait proiektu aipatu ditu Irulegiko irratiko Jojo Bidartek gaurko irratien tartean. Batetik, Luzaide eta Arnegiko eskola proiektua, eta, bestetik, mendialdeko hainbat herriren artean sustatuko dutena. Epaitegietako albisteetara jota, berriz, hirigune elkargo bakarraren aurka zenbait hautetsik jarritako errekurtsoa atzera bota dutela nabarmendu du. Horrez gain, Frantzian heldu diren azaroan eta abenduan izango diren enpresa txikietako hauteskundeetan LAB ez aurkezteko errekurtsoa aurkeztu zuen CGT sindikatuak, baina atzera bota dutela azaldu du Bidartek. Emilie Martinen aurkako euroagindu eskaera zertan den ere azaldu du. Amaitzeko, presoen egoeraz eta bergizarteratzeaz eskainiko duten film bati buruzkoak kontatu ditu.
