Podcast: Play in new window | Download
Duela bi aste, Zebrabideko denboraldiari ekin genionean, aipatu genuen lagun berri bat batuko zela gaurkotasunaz egiten dugun errepaso kritikora. Gaur estreinatu da gurean Maite Sabalza, eta aurrerantzean hilero batuko da, Mikel Elorzarekin txandaka. Ba estreinatzeko gai potoloak ekarri ditu. Batetik, Gasteizko Legebiltzarreko hauteskunde kanpainak eragindako sentipenak aipatu ditu. Bestetik, Donostiako 64. Zinemaldia zenbait aldarrikapenekin lotu du. Horrez gain, memoria historikoaren arloan azken asteotan Nafarroan egondako albisteak zorrotz aztertu ditu.
