Podcast: Play in new window | Download
Rioko olinpiar jokoetan maratoilari batek Etiopiako manifestariek egin ohi duten keinua egin zuen munduaren aurrean. AEBetan errefuxiatu zen ondoren. Bere herrian tragedia etnikoa gerta litekeela ohartarazi zuen horrela. Hain justu, Etiopiako gatazka egoraren inguruan Jose Angel Oriak egindako erreportajea nabarmendu du Xabier Izaga kazetariak biharko Gaur8 aurreratzerakoan. Horrez gain, Jon Salgadok Zadorra ibaiko erreportajeaz idatziari ere egin dio erreferentzia, Ebro arroan kutsadura mailarik altuena baitu eta ur horretatik Araba eta Bizkaiko biztanleriaren parte handi batek edaten baitu. Amaitzeko, Lakuako Gobernuaren Heziberri planak filosofia derrigorrezko ikasgaietatik kanpo utzi izanari heldu dio, eta Agora Filosofia Elkarteak horrek lekarkeen gabeziaz emandako hitzaldiaren kronika egin du Izagak.
