Podcast: Play in new window | Download
Albaolako San Joan baleontziaren erreplikako lanak egiteko, Burgosko Quintanar de la Sierran artisauki egindako bikea eta alkitrana ekartzeko lanak aurrera doaz. Burgostik Pasai Sanpedrorako bidea behiek eta idiek tiratutako hiru gurdirekin egiten ari dira eta joan den asteburuan Sakanatik pasatu zirela azaldu du Beleixe irratiko esatari Maider Beteluk gaurko irratien tartean. Horrez gain, hainbat fusilaturi Sozarretan egindako omenaldia ere aipatu du. Agenda kontuei dagokienez, Altsasuko festez eta Sakanako hainbat herritan ospatuko dituzten sanmigelez aritu da, besteak beste. Kirol arloan, berriz, Ergoienako Bira eta Uharte Arakil-Beriain kilometro bertikala aipatu ditu.
