Podcast: Play in new window | Download
Bi asteartez behin, bi lagun batzen dira Zebrabideko irratien tartera. Basaburua eta Ultzamako berriak ekartzeko Esan Erran irratiko Lur Gilekin hitz egiten dugu, eta Arabako berriak Halabediko Igor Goikoleak ekarriko dizkigu aurrerantzean. Hain justu, Mairuelegorretako Zigoitia euskaraz dinamikaren balorazioa, Gasteizko Udalaren aurrekontu parte hartzaileak eta 2014an atxilotutako sei ikasleren epaiketa aipatu ditu Goikoleak. Gilek, berriz, atzo Ilarregin piztutako sutea, Iruñerako garraio pulikoaren eskaintza eta euren bueltako kirolarien lorpenak nabarmendu ditu.
