Podcast: Play in new window | Download
Diru-sarrerak Bermatzeko Laguntzarik ezingo da gehiago eskatu uztailaren 1etik aurrera Gipuzkoan –seme-alabak dituztenen kasuan, abenduaren 31ra arte luzatuko da epea–. Diputazioak dio prestazio ekonomiko horrek ez duela gizarteratzeko balio eta kendu egin du, baina bizirauteko gutxieneko errenta bat eta politika integratzaileak elkarren osagarri direla uste dute arloko eragileek. Mikel Garciak kazetariak horretaz egindako erreportajea nabarmendu du Argiako zuzendari Estitxu Eizagirrek astekariaren aurrerapenean. Horrez gain, Tolosako Bizikidetza Foroak eta Mugen Gainetik elkarteak antolatutako Emakumeak bake eraikuntzan hemen eta munduan mahai-inguruaz Ane Urkolak egindako kronika ere aipatu du. Baita gaztetxoek katalanes inprobisatzeko Corrandescola dinamikaz Dabi Piedrak idatzitakoa ere.
