Podcast: Play in new window | Download
Hezkuntzara begira jarri behar dugu jarraian. Argia astekarian irakurri ahal izan dugunez, edukiz betetzen dizkigute buruak munduratu orduko. Zenbakiak, koloreak, matematikak, historia eta geografia. Bizitza, baina, hortik harago kudeatu behar den prozesu konplexua da. Besteekin eta, era berean, nork bere buruarekin. Orain arteko hezkuntza sistemak eman ez dizkigun tresna horiek guztiak erakusteko anbizioarekin etorri da konfiantzaren pedagogia. Amaia Anterok izen bereko liburua kaleratu du, eta Debagoieneko Arizmendi ikastolan praktikan ere jartzen dute. Horretaz hausnartzeko Aitor Abaroa eta Mikel Garcia gonbidatu ditugu gaurko tertuliara.
