Podcast: Play in new window | Download
Mundu osoan jaten den janaria da arroza, unibertsala. Jaki horren prestaketa da lurralde eta kulturak bereizten dituena. Hemengoak eta kanpotik etorritakoak elkartzeko asmoz, Munduko Arrozak jardunaldiaren 13. saioa egin zuten iragan larunbatean Bilboko San Frantzisko auzoan. Hainbat etorkin talderen ekimenez, ehunka lagunek hainbat plater prestatu zituzten, baina guztiek arroza izan zuten osagaien artean. Pertsonen eta kulturen arteko harremanak ekartzen duen aberastasuna aldarrikatu dute. Bilbo Hiriako koordinatzaile Ane Zabal bertan izan zen, eta hainbat partaideren ahotsak jaso zituen.
