Podcast: Play in new window | Download
Aste honetan bete da urtea 2015eko udal eta foru hauteskunde emaitzek Nafarroako “aldaketa” abian jartzeko aukera eman zutenetik. Ordutik, asko izan dira Nafarroako Gobernuari nahiz Iruñeko Udalari egin zaizkien eskaerak, eta horietako asko euskararen eremukoak. Martxelo Diazek bilakaera horretaz egin duen analisia nabarmendu du Amagoia Mujikak Gaur8-ren biharko alearen aurrerapenean. Horrez gain, Gerardo Mungiari idatzi berri duen Yonki baten tragedia liburuaz egindako elkarrizketa ere aipatu du Mujikak. Amaitzeko, arkitektura ikuspuntutik, Ibai Gandiagak Iruñeko alde zaharreko bizilagunen kezkaz idatzitakoa ekarri du, festa eta parranda auzo diren horien zamaren berri eman du.
