Podcast: Play in new window | Download
Tina Modotti Udine, Italian jaio zen langile-familia batean. Aitak AEBra emigratu behar izan zuen, familia oso egoera ekonomiko latzean zegoen-eta. Aurrerago San Frantziskon bildu ziren guztiak. Han, Tina jostun hasi zen lanean, moda-etxe batean. Emakume ederra zenez, modelo lan egiteko kontratatu zuten laster. Mundu artistikoan sartu zen, eta bi film ere egin zituen. Garai hartan, Tinak Edward Weston argazkilaria ezagutu zuen, bere bizitzan garrantzi handiko gizona, berarekin ikasi baitzuen argazkigintza-teknika. Modottiren lehenengo lanak dira lore, barazki eta bestelako objektuei ateratako lehen plano txundigarriak. Ba argazkilari horri buruzkoak jorratzeko, Halabedi irratiko estudioarekin bat egin dugu, Jon Aranburuk hitz egin baitu Irantzu Pastor argazkilariarekin.
