Saio berezia izan dugu gaurkoan. Betiko lez, albiste musikalak jorratu eta zenbait nobedade entzun ditugu, tartean, Monte del Oso, Los del Rayo, Torii, the Lucilles edota Perlak taldearen aurrerapen kantua entzun ditugu. 2016. honetan ospatuko dugun Hala Bedi Rock jaialdia ere izan dugu mintzagai. Baina, gaurkoan protagonista, Montauk taldekoak izan ditugu, astean “Bilaketan” diskoa kaleratu baitute. Taldearen inguruan mintzatu gara, diskoaren grabaketa prozesuaz, … eta taldeko abeslari eta kantuen sortzaile den Beñatek bi abesti eskaini dizkigu akustikoan: “Esna zaudenean” eta “Aldaketa”.
