Podcast: Play in new window | Download
Sakanako Beleixe irratiko esatari Maider Betelu batu zaigu gaurko irratien tartera, eta hainbat kontu jorratu ditugu harekin. Hasteko, Sakanako Mankomunitateak eta Nafarroako Gobernuak sinatu duten Sakanako Plan Estrategikoa garatzeko hitzarmena nabarmendu du. Baita LAB sindikatuaren arabera Sakanan 520 lanpostu sortu direla nabarmendu ere. Horrez gain, Sakanako XVII. Ibilaldiko datuak aipatu ditu, eta Irurtzunen antolatuako kirol ekitaldiei ere egin die erreferentzia. Amaitzeko, Olaztin 1936ko gerran eraildakoak omentzeko prestatu dituzten ekitaldiez eta Altsasuko alde zaharreko festez hitz egin du.
