Podcast: Play in new window | Download
Duela zenbait aste jakin genuen UPNren esku zegoen aurreko Nafarroako gobernuak aurkeztutako salaketa baten ondorioz, Nafarroan ETBren emisioa eteteko agindu zuela Espainiako Industria Ministerioak. Gai horri heldu dio Urtzi Urkizu kazetariak gaurko komunikazioaren tartean. Horrez gain, atzoko Prentsa Askatasunaren Nazioarteko Eguna kontuan hartuta, Mozal Legea baliatuta isuna jarri dioten Axier Lopez kazetariaren kasua eta prentsa askatasunaren arloan gure herrian izandako urraketak ekarri ditu gogora. Grezian dauden errefuxiatuen egoeraz ETB2k igandean eskainiko duen dokumentala eta Halabedi irratiko zenbait kidek Greziara egindako bidaia ere nabarmendu ditu. Amaitzeko, Hego Euskal Herrian LTD Lurreko Telebista Digital bidez ikusi ahal izango ditugun zenbait kate berri aipatu ditu Urkizuk.
