Podcast: Play in new window | Download
Bi asteazkenez behin bezalaxe, Irulegi irratiko esatari Jojo Bidart batu zaigu gaurko irratien tartera, eta politika, gizarte nahiz kultura kontuak nabarmendu dizkigu. Hasteko, Lorentxa Gimon eta Daviv Gramont euskal preso politiko ohiei eginiko omenaldia, Etxerat elkartearen biltzarra eta Donibane-Lohitzunen apirilaren 4an Frederique Haranburu Xistor askatzea eskatzeko egingo duten manifestazioa aipatu ditu. Ipar Euskal Herriko elkargo bakarraren eztabaida erabakitze fasean egonik, azken berri zenbait nabarmendu ditu Bidartek. Gizarte gaietan, Arnegi eta Luzaideko eskola amankomunatuaz eta integrazio batzordeak abiatutako kanpainaz aritu da. Amaitzeko, Sarako idazleen biltzarra eta beste zenbait kultura deialdi aurreratu ditu.
